தமிழகத்தில் 72 ஆயிரம் மாணவர்களுக்கு வரும் 15ஆம் தேதிக்குள் மடிக்கணிணிகள் வழங்கப்பட்டு நீட் தேர்வுக்கான சிறப்புப் பயிற்சிகள் அளிக்கப்படும் என பள்ளிக்கல்வித்துறை அமைச்சர் செங்கோட்டையன் தெரிவித்தார். ஈரோட்டில் செய்தியாளர்களை சந்தித்த அவர் இவ்வாறு கூறினார்.
ஞாயிற்றுக்கிழமை நடைபெற உள்ள குரூப் 4 தேர்வுக்காக தேர்வு மையங்களுக்கு வினாத்தாள் அனுப்பும் பணி தருமபுரி மாவட்ட ஆட்சியர் அலுவலகத்தில் விறுவிறுப்பாக நடைபெற்று வருகிறது. மாவட்டம் முழுவதும் 169 மையங்களில் 66 ஆயிரத்து 357 தேர்வர்கள் தேர்வெழுத உள்ளனர்.
இந்த தேர்வு மையங்களுக்கான வினாத்தாள்கள் தருமபுரி மாவட்ட ஆட்சியர் அலுவலக வளாகத்தில் உள்ள மாவட்ட கருவூலத்திலிருந்து அனுப்பப்படுகின்றன. ஒவ்வொரு ஒன்றியத்திற்கும் வட்டாட்சியர்கள் தலைமையில் துப்பாக்கி ஏந்திய போலீஸார் பாதுகாப்புடன் வினாத்தாள்கள் அனுப்பி வைக்கப்படுகின்றன
”பாலிடெக்னிக் விரிவுரையாளர் பணிக்கு நடைபெற்ற எழுத்து தேர்வு ரத்து".
முறைகேடு புகாரை தொடர்ந்து ஆசிரியர் தேர்வு வாரியம் அதிரடி அறிவிப்பு.
மறுதேர்வு தேதி மே மாதத்தின் முதல் வாரத்தில் அறிவிக்கப்பட்டு ஆகஸ்ட் முதல் வாரத்தில் நடத்தப்படும்.
மதுரை: மதுரையில் தேர்வுத்துறை சார்பில் நடக்க இருந்த, அனைத்து மாவட்ட முதன்மை கல்வி அலுவலர்கள் கூட்டம், சென்னைக்கு மாற்றப்பட்டது.
மார்ச் 2018, பொதுத் தேர்வுகள் தொடர்பாக, அனைத்து சி.இ.ஓ.,க்கள், டி.இ.ஓ.,க்கள் ஆலோசனை கூட்டம், மதுரையில், பிப்.,9ல் நடப்பதாக இருந்தது. அதற்கான ஏற்பாடுகள் செய்யப்பட்டு, அதிகாரிகள் தங்குவதற்கு, ஓட்டலில் அறைகள் முன்பதிவு செய்யப்பட்டன. இந்நிலையில், 'பிப்., 9ல் சென்னையில் ஆய்வு கூட்டம் நடத்தப்படும்' என, கல்வி இயக்குனர், இளங்கோவனும் அறிவித்தார். ஒரே நாளில், இரண்டு இயக்குனர்களும் கூட்டம் நடத்த முடிவு செய்ததால், மதுரை கூட்டம் சென்னைக்கு மாற்றம் செய்யப்பட்டது.
இது குறித்து கல்வி அதிகாரி ஒருவர் கூறுகையில், 'அமைச்சர், செயலர் பங்கேற்க முடிவு செய்துள்ளதால், கடைசி நேரத்தில், சென்னையில் நடத்த கல்வித்துறை முடிவு செய்தது' என்றார்.
வேலூர்: அரசு உதவி பெறும் பள்ளியின் தலைமை ஆசிரியரை கத்தியால் குத்திவிட்டு 11ம் வகுப்பு மாணவர் தப்பியோடி சம்பவம் அப்பகுதியில் பதற்றத்தை ஏற்படுத்தியுள்ளது.
வேலூர் மாவட்டத்தின் வடக்குப் பகுதியான திருப்பத்தூரில் திங்கட்கிழமை பிற்பகலில் இந்த சம்பவம் நடந்துள்ளது.
ராமகிருஷ்ணா அரசு உதவி பெறும் பள்ளியின் தலைமை ஆசிரியர் ஆர். பாபு (52), வழக்கம்போல பள்ளியை பார்வையிட்டுக்கொண்டு வந்த போது, இன்று மதியம் 1 மணியளவில், அப்பள்ளியில் 11ம் வகுப்பு படிக்கும் மாணவர் அவரை கத்தியால் இரண்டு முறை குத்தியுள்ளார்.
இது குறித்து காவல்துறை தரப்பில் கூறப்படுவது என்னவென்றால், வழக்கம்போல பள்ளியை பார்வையிட்டு வந்த போது, இரண்டு மாணவர்கள் வகுப்பறையில் அமர்ந்து பேசிக் கொண்டிருந்தனர். அவர்களைப் பார்த்ததும் வகுப்பறைக்குள் நுழைந்த தலைமை ஆசிரியர் பாபுவை, ஒரு மாணவன் கத்தியால் தாக்கியதில், அவரது காது மற்றும் வயிற்றில் கத்திக்குத்துக் காயங்கள் ஏற்பட்டன.
வலியால் துடித்த பாபுவை அப்படியே விட்டுவிட்டு மாணவர்கள் அங்கிருந்த தப்பியோடினர். அவரது அலறல் சத்தம் கேட்டு ஆசிரியர்கள் ஓடி வந்து அவரை மீட்டு திருப்பத்தூர் அரசு மருத்துவமனையில் அனுமதித்தனர். பிறகு மேல் சிகிச்சைக்காக பாபு சிஎம்சி மருத்துவமனையில் அனுமதிக்கப்பட்டார்.
தலைமை ஆசிரியரை தாக்கிய மாணவர்களை காவல்துறையினர் தேடி வருகின்றனர்.
அவர்கள் பிடிபட்டால்தான், இந்த தாக்குதலுக்குப் பின்னணி என்ன என்பது தெரிய வரும் என்று காவல்துறை தெரிவித்துள்ளது.
இதற்கு முன்பும், மாணவர் ஒருவர், வேதியியல் தேர்வின் போது காப்பி அடித்து சிக்கியதால், அந்த ஆத்திரத்தில் பாபுவை கத்தியால் தாக்க முயன்று பிடிபட்டார். இந்த சம்பவத்தின் போது பாபு சிறிய காயத்துடன் உயிர் தப்பியது குறிப்பிடத்தக்கது.
